Бүгін Шиелінің жалынды жастары аудан əкімдігінің мəжіліс залына түгелдей жиналды. Астанадағы "Нұр əлем" павилионында Елбасының қатысуымен "Тəуелсіздік ұрпақтары" атты жастар жылының ресми ашылуы болып жатыр. Аудан белсенділері  хабар арнасынан айтулы шараны тікелей эфирде тамашалауда.
Форумға Мемлекет басшысы, Үкімет мүшелері, ҚР Парламенті депутаттары, жергілікті атқарушы органдар басшылары, ҚР Президенті жанындағы Жастар саясаты кеңесінің мүшелері, «100 жаңа есім» байқауының жеңімпаздары, «Болашақ» бағдарламасының түлектері, жас ғалымдар қатысып отыр. Қоғамның әр саласында табысты еңбек етіп, жемісті білім алып жүрген «Тәуелсіздіктің ұрпақтары» Елбасы мен ел алдында өз жетістіктерімен бөлісіп, ұсыныс-тілектерін білдірді.