"Жаңадария" каналының Бесарық ауылына кіреберіс тұсынан ашылған жаңа көпірдің ашылу салтанатынан кейін облыс әкімінің орынбасары Р.Рүстемов, Астана қаласы әкімінің орынбасары Е.Аманшаев бастаған мәртебелі меймандар ауылдың тыныс-тіршілігімен танысты.
Ауыл әкімі Н.Жүсіпова мен "Абай-Дәулет" ЖШС директоры М.Сәрсенбаев орталық алаңды абаттандыру, әлеуметтік нысандарды жөндеуден өткізу бағытында атқарылған жұмыстармен таныстырды.
Ауылдық мәдениет үйінде "Әжелер" ансамблі өз өнерлерін көрсетіп, меймандар қолөнер бұйымдарының көрмесін көрді.
Ауылдың даму қарқынына жоғары баға берген құрметті қонақтар Бесарық елді мекенінің алдағы уақытта биік межеден көрінуіне тілектестігін білдірді.
Мұнан соң мәртебелі меймандар мен ауыл жұртшылығы егін науқанының басталуына арналған іс-шараға қатысты.
Сырдария ауданы әкімінің баспасөз қызметі.

Сырдария Ауданының Әкімдігі ФБ парақшасынан