Отбасы — береке-бірліктің қайнары. Жақсылыққа құштар, жамандықтан жырақ әулет елге үлгі. Осындай ізгілік нұрын шашар отбасыларды дәріптейтін «Мерейлі отбасы» байқауы биыл да өтті.
"Мерейлі отбасы-2018" ұлттық байқауының аудандық, облыстық кезеңінен бірінші орынды Ишанқұловтар отбасы иеленіп, республикалық кезеңге жолдама алды. Байқау жеңімпаздарын аудан әкімінің орынбасары Бауыржан Жаниязов салтанатты түрде марапаттаса, Шиелі ауданының әйелдер қоғамдық бірлестігінің төрайымы Шамшат Оразымбет, «Нұр Отан» партиясы Шиелі аудандық филиалы төрағаның бірінші орынбасары Патима Маханбет сөз алып, Ишанқұловтар отбасына сәттілік тіледі.