Бүгін Шиеліліктер үшін әдеттегі жексенбі емес. ҚР Сайлау туралы конституциялық Заңына сәйкес, Шиелі ауданының Бәйгеқұм ауылдық округі әкімінің сайлауы өтуде. Таңғы сағат 07:00-де учаскелерде дауыс беру басталып, әрбір азамат өз конституциялық құқығын пайдаланып, ауыл әкімі болуға ниетті кандидаттар арасынан өз таңдауларын жасап, азаматтық жауапкершілік танытуда. Әкімдер 4 жыл мерзімге сайланады. Алғаш болып келген сайлаушыға учаскелік комиссиясы тарапынан сыйлықтар берілді. Сондай-ақ, бірінші рет дауыс беру құқығына ие жас сайлаушылар да маңызды күннен қалыс қалмады. Дауыс беру кешкі 20.00-ге дейін жалғасады.