АСТАНА. KAZINFORM - Еуроодақтың сыртқы істер және қауіпсіздік саясаты жөніндегі жоғарғы өкілі Кая Каллас Ливанда жаңа үкімет құрылуына байланысты мәлімдеме жасады, деп хабарлайды Kazinform тілшісі. 

- Ливанды жаңа үкіметінің құрылуымен шын жүректен құттықтаймын. Премьер-министр Наваф Саламға және бүкіл үкіметке Ливан халқының арман-мақсатын жүзеге асыруда толағай табыс тілеймін. Юсуф Раджиді Сыртқы істер министрі болып тағайындалуымен  құттықтаймын және онымен сөйлесуді асыға күтемін, - деді еуропалық дипломат.  ЕО Ливан халқына, атап айтқанда, барлық азаматтың игілігі үшін өз міндеттерін орындауға қабілетті мемлекеттік институттарды қалпына келтіруге тұрақты қолдау көрсететінін мәлімдеді.

- Біз жаңа үкіметке жаңа реформаларға және болашаққа бағытталған күн тәртібін ілгерілетуде, ЕО-Ливан серіктестігін жаңартуда ынтымақтастық кеңесін өткізу арқылы қолдау көрсетуге дайынбыз, - делінген хабарламада.  Айта кетейік, Ливанда Наваф Салам басқаратын жаңа үкімет жасақталды.