1 ақпанда Астанада Қазақстанның таеквондо федерациясының ұйымдастыруымен «Мұстафа Өзтүрік жүлдесі» марапатын табыстау салтанаты өтеді, деп хабарлайды
Egemen.kz. Ұлттық Олимпиада комитетінің хабарлауынша, іс-шарада өткен жыл қорытындыланып, жоғары жетістіктерге жеткен және бұл спорт түрінің дамуына айтарлықтай үлес қосқан спортшылар, бапкерлер мен төрешілер марапатталады. Айта кетейік, енді «Мұстафа Өзтүрік жүлдесі» жыл сайын беріледі.
«Жүлде тек отандық таеквондоның үздік өкілдерінің жетістіктерін атап қана қоймай, елімізде бұл спорттың дамуына үлкен үлес қосқан ұлы шебердің есімін мәңгі есте сақтауға мүмкіндік береді», делінген хабарламада.
