Бүгін аудан әкімі Айтбай Жандарбеков аудан ардагерлерін жаңа жыл мерекесімен құттықтап, аймақ басшысының арнайы құттықтауын табыстады. Бейбіт күннің жетістігі ардагер әкелеріміз бен аналарымыздың адал еңбегінің арқасы екенін жеткізген аудан әкімі әрбір шаңыраққа жаңа жыл құт берекесімен, жақсылығын ала келсін деген ізгі тілегін білдірді. Кездесулерде Шиелі ауданының «Құрметті азаматы», ауылшарушылығы саласының ардагері 87 жастағы қария Берікқара Әбдіжапбаров, Шиелі ауданының «Құрметті азаматы», білім саласының ардагері 86 жастағы Рахым Мауяев, Шиелі ауданының «Құрметті азаматы», Қазақстанға еңбек сіңірген инженер, 43 жылдай Су шаруашылығы саласында қызмет атқарған, 93 жастағы қария Мұхамедияр Сейітов, Шиелі ауданының «Құрметті азаматы», ұзақ жылдарын білім саласына арнаған, еңбек ардагері 87 жастағы ардагер Сейілбек Аманжолов, Шиелі ауданының «Құрметті азаматы», еңбек ардагері Жамалхан Баевтов, Шиелі ауданының «Құрметті азаматы», білім саласында қажырлы қызмет атқарған ардагер Өмірзақ Исаханов, Шиелі ауданының «Құрметті азаматы», ауылшарушылық саласының ардагері Сұлтанбек Оразымбетов, Шиелі ауданының «Құрметті азаматы», ұзақ жылдарын білім саласына арнаған, еңбек ардагері Назира Парманқұлова және Еңбек ардагері Күлтәй Рыспембетованың шаңырақтарына арнайы барып құрмет көрсетті. Кездесулер барысында аудандық ардагерлер кеңесінің төрағасы Өркен Исмайл және аудандық қоғамдық кеңесінің төрағасы Қаблеш Бекішев аудан әкімімен бірге қазыналы қарттарға мерекелік құттықтауларын жеткізді. Киелі шаңырақтың бірлігін сақтап, үйдің берекесін келтіріп отырған үлкендеріміздің өмір жолы саналы ұрпақтың жадында таусылмас қазына болып сақталатыны сөзсіз.