Аудандық ақпараттық-түсіндірме топ мүшелері: аудандық орталық мешітінің бас имамы Рахат Қожанов, аудандық қоғамдық даму бөлімінің маманы Жанғазы Балтабек, жастар ресурстық орталығының директоры Ержан Әбдешов жылдық жоспарға сәйкес Жаңатұрмыс, Ақтоған, Алмалы, Иіркөл ауылдық округтерінің тұрғындары және жастар ресурстық орталығына барып жастармен кездесті. Кездесу барысында АТТ мүшелері қоғамдағы орын алып жатқан келеңсіз оқиғалардың алдын алу, зиянды әдеттерге жоламау, құқық бұзушылыққа бармау туралы түсіндірме жұмыстарын жүргізді.