Тұран ауылдық округіне қарасты "Төңкеріс К" шаруа қожалығының егіс алқабында Шиелі индустриалды-аграрлық колледжінің ұйымдастыруымен "ТЕОРИЯ МЕН ТӘЖІРИБЕ ҰШТАСУЫ-БІЛІКТІ МАМАН КЕПІЛІ" тақырыбында тәжірибелік семинар өтті.  Аталған семинарға ауыл шаруашылығы және жер қатынастары бөлімінің мамандары, ірі шаруашылықтардың білікті агрономдары мен колледждің орынбасарлары, әдіскерлер және екінші және үшінші курс студенттері қатысты.  Еңбек нарығында бәсекеге қабілетті, өз кәсібін еркін меңгерген, жұмысқа қабілетті үнемі кәсіби өсуге дайын және жауапкершілігі мол білікті маман даярлауды мақсат тұтқан білім ордасы білім алушылардың өндірістік тәжірибедегі қабілеттерін сынау мақсатында бір күндік жұмыстарын бақылап, техника қауірсіздігін сақтай отырып, күзгі егін жинау жұмыстарын тәжірибе жүзінде орындатты.