Бүгінгі білім беру жүйесінің бас­ты мақсаты бәсекеге қабілетті маман дайындау. Осы тұрғыда, Шиелі индустриалды-аграрлық колледждің тынысы жаңа бағытқа өзгеріп, еңбек нарығы мен заман талабына сай дамып келе жатқан білімнің қара шаңырағы. Колледж аграрлық бағытта ауыл шаруашылығының кең профильді білім ордасы ретінде 65 жылдан бері қызмет етіп, болашақ мамандарды жоғарғы деңгейдегі білім сапасымен қамтамасыз етуде. Сондай-ақ, техникалық және кәсіптік білім беру кадрларының бәсекеге қабілеттілігін көтеруді мақсат тұтқан білім беру ұйымы жастарды еңбекке құрметпен қарауға тәрбиелеп келеді.
Осы ретте, аудан әкімінің орынбасары Ерсұлтан Апетов Шиелі индустриалды-аграрлық колледжіне барып, білім ошағындағы білікті маман иелерімен кездесіп, колледждегі оқу кабинеттері мен шеберханаларды аралап, әдістемелік орталық пен өлкетану мұражайын тамашалап, оқу процесімен танысып қайтты.

Шиелі индустриалды-аграрлық колледжі болашақ мамандарды жоғарғы деңгейдегі білім сапасымен қамтамасыз етуде. Сондай-ақ, техникалық және кәсіптік білім беру кадрларының бәсекеге қабілеттілігін көтеру басты мақсаттарының бірі. Жастарды еңбекке құрметпен қарауға тәрбиелеп, білім нәрімен сусындатуда. Сондықтан болар бұл оқу орын қоғам сұранысын өтеп, өндіріс орындарына 9 түрлі мамандық бойынша мамандар дайындау­да.