Ұлытау облысының жолдарын жөндеуге екі жылда 30 млрд теңге жұмсалған
Сыбайлас жемқорлыққа қарсы қызмет автомобиль жолдарын салу саласындағы жемқорлық тәуекелдеріне сыртқы талдау жүргізуде. Ұлытау облысы жолдарының жалпы ұзындығы - 2711,7 км, облыс құрылғаннан бері жолдарды жөндеуге 30 млрд теңге жұмсалған. Бұл туралы Egemen.kz ведомствоның баспасөз қызметіне сілтеме жасап хабарлайды. Белгілі болғандай, жүргізіліп жатқан жұмыс шеңберінде елеулі жемқорлық тәуекелдері анықталды.
«Ұлытау облысы құрылғаннан бері әкімдіктердің бейінді бөлімдері мен басқармалары жолдарға паспорттау жүргізбеген. Жолдардың жай-күйін паспорттаудың және есепке алудың болмауы сапасыз жоспарлау және жөндеу жұмыстарын жүргізу қаупін арттырады, сондай-ақ жөндеуге жататын жол жамылғысының ауданы бойынша көтерілген сметаларды бекітудің жүйелі фактілеріне ықпал етеді.Бұл кемшіліктер мердігерлер мен тапсырыс берушілер үшін төлқұжаттары болмаған кезде техникалық құжаттамамен айла-шарғы жасауға қолайлы жағдай туғызады.ЖАО Сыбайлас жемқорлыққа қарсы қызметінің ұсынысы бойынша жолдарды аспаптық зерттеу рәсімін жоспарлау бойынша жұмыс жүргізуде, одан кейін паспорттау жүргізіледі, «Сәтбаев қаласының жолаушылар көлігі және автомобиль жолдары бөлімі» ММ 2024-2025 жылдарға арналған аспаптық тексеру және паспорттау жүргізу бойынша мемлекеттік сатып алу шеңберінде шарт жасасты», делінген ведомство хабарламасында.
Паспорттауды қолдану орындалатын жұмыстардың сапасын арттыруға, көлемдерді, техникалық жай-күйді және инженерлік желілерді дұрыс анықтауға мүмкіндік береді.
