Алдымен, аудан басшысы емхана орналасқан Жайлыбаев көшесіне барып, емхана басшылығына бетон кедергілерді алып, көлік тұрағына орын белгілеуді тапсырды. Мұнан соң, Исмаил Әзімхан көшесіндегі көпірдің қоршаулары сын көтермейтіндігін, көше айналасындағы қоқыстарды тазалау жұмыстарын жүргізу керектігін айтты.

Сондай-ақ, Айтбай Насриддинұлы Шиелі кентінің теріске бетіндегі бірқатар көшелерді жаяу аралап, иесіз қаңырап тұрған қоймаларды алып, жауапты бөлім басшыларына орнына балалар ойын алаңдарын салу жолдарын қарастыруды тапсырды.

Көше тұрғындары да аудан басшысына өз ұсыныстарын жеткізіп, түйіткілді мәселелерімен бөлісті.