АЛАТАУ БӨКТЕРІНДЕГІ АУҚЫМДЫ ШАРА

Алматы қаласында Қызылорда облысының өнер күндері өтуде. Ақмешіттен Алатауға аттанған сыр өнерпаздары қызу дайындықпен келді. Жауапкершілік жоғары. Күрделі шығармалар дайындалап, әлемнің бес тілінде әуезді әндер шырқалды. Мақпал мақам мен сұлу сазға шөліркеген Алматылық ағайынға жыршылар да жырдан шашу шашты. Республика сарайында ине шаншыр орын болмады. Себебі Алматыдағы Қызылордалықтар, Сыр елінің өнерін тамашалауды асыға күткендей.