Жақында Шиелі аудан әкімінің міндетін атқарушы Алмат Алдабергенов «AMANAT» партиясы Шиелі аудандық филиалында тұрғындарды жеке мәселелері бойынша қабылдап, өтініштерін тыңдады. Келген тұрғындар өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады. Қабылдау барысында тұрғындар өздерінің өзекті мәселелерін алға тартты. Атап айтқанда, өтініш білдіріп келушілердің басым көпшілігі жұмыссыздық мәселесімен келгендер. Мұнан өзге, аудан тұрғындары жер, тұрғын үй алу туралы мәселелерді де ортаға салды. Тиісінше аудан басшысы міндетін атқарушы әр тұрғынның өтінішіне жекелей тоқталып, заң аясында түсіндірме берді.  Сонымен қатар, мәселелердің шешілу жолдарын қарастыру жөнінде тиісті сала басшыларына тапсырмалар жүктеп, бақылауға алатындығын жеткізді.