Қостанай облысында миллиард теңгені құрайтын жалған шот-фактураларды беру фактілері анықталды, деп хабарлайды
Egemen.kz Қаржы мониторингі агенттігінің баспасөз қызметіне сілтеме жасап. «2022 жылы Қостанай облысының аумағында 1 млрд теңгеден астам сомаға 6 контрагенттің атына шот-фактуралар жазып беруді жүзеге асырған шаруа қожалығының басшысына қатысты қылмыстық іс тергеліп жатыр. Бұл контрагенттерге мемлекет бюджетіне жалпы сомасы 200 млн-нан астам теңге салық төлеуден жалтаруға мүмкіндік берді», делінген хабарламада. Сотқа дейінгі тергеп-тексеру амалдары жалғасып жатыр. Қылмыстық іс жүргізу кодексінің 201-бабына сәйкес өзге мәліметтер жария етілмейді.
