Сәрсенбі күні аудан әкімінің міндетін атқарушы Алмат Алдабергенов мемлекеттік кірістер органының құрылғанына 10 жыл толуына орай сала қызметкерлерін қабылдады. Мерекелік қабылдауда Алмат Әбдуәзизұлы сала майталмандарын кәсіби мерекелерімен құттықтап, ауданның салық базасын нығайту бағытындағы атқарып жатқан жемісті еңбектері үшін ризашылығын білдірді. Сондай-ақ, бірқатар сала үздіктерін «ҚР Қаржы министрлігінің Мемлекеттік кірістер комитетіне 10 жыл» төсбелгісімен, алғыс хаттармен марапаттаса, “AMANAT” партиясы Шиелі аудандық филиалының атқарушы хатшысы Жібек Баймұратова ауданның дамуына өзіндік үлес қосып жүрген мемлекеттік кірістер басқармасының белсенді қызметкерлеріне “AMANAT” партиясы Қызылорда облыстық филилының төрағасы Есмаханов Алмасбек Әбілқасымұлының арнайы Алғыс хатын табыстады.