«Қазгидромет» алдағы демалыс күндеріне арналған ауа райы болжамын жариялады, деп хабарлайды Egemen.kz.  9-11 қазан күндері Ресейдің еуропалық бөлігінен жылжыған жылы ауа еліміздің батысы мен солтүстік-батысына қарай ығысып, жауын-шашынсыз ауа райының болуына ықпал етеді. Бұл өңірлерде ауа температурасы күндіз +15-20 градусқа дейін көтеріледі. Қазақстанның басқа өңірлерінде ауа қысымы төмен болады, осыған байланысты жаңбыр, оңтүстік өңірлерде бұршақ жауады, жел күшейеді. Елдің солтүстігі, шығысы, орталығы мен оңтүстігінде түнгі және таңғы уақытта тұман түседі. Республикамыздың солтүстігі, орталығы мен шығысында ауа температурасы күндіз +7-15-тен 0-7 градусқа дейін төмендейді. Оңтүстік өңірлерде ауа температурасы +3-8 градус жылы болса, таулы аудандарда температура -3 градус, күндіз +10-15 градус болады.