Ұлттық статистика бюросы аталған облысқа қатысты дабыл қағарлық деректер жариялады, деп хабарлайды Egemen.kz.


Фото: gov.kz

2024 жылғы бірінші тоқсан қорытындысы бойынша Қызылорда облысында небәрі 843,4 мың адам қалған, қалалықтар – 396,3 мың (47%), ауылдықтар – 447,1 мың адам (53%).
Облыстан жұрт жаппай кетіп жатқанға ұқсайды және аталған үрдіс соңғы жылдары белең алған.
«Қызылорда облысында көші-қонның теріс айырмасы қалыптасты: 2024 жылғы қаңтар-наурыз айларында өңірден қоныс аударғандар саны көшіп келгендерден 2 216 адамға асып түсті, 2023 жылғы қаңтар-наурызда бұл көрсеткіш 924 адамды құраған еді», деп хабарлады Ұлттық статистикалық бюро.
2024 жылғы қаңтар-наурызда облыста 4 772 сәби ғана дүние есігін ашқан, сөйтіп 2023 жылғы қаңтар-наурыздағыдан 2,2% кеміді.
Қызылордалықтардың өлім-жітімі көбейген. Биыл үш айда қайтыс болғандар саны 1 102 адамды құраған және 2023 жылғы қаңтар-наурыздағыдан 1,4%-ға көп.
inbusiness.kz сайтында ҰСБ аталған өңірге қатысты «азайды» деген сөзді біраз қолданғанын жазған.