27 мамыр түні сағат 02:45-те вагондарды тасымалдаушы автоматты қалаушыға қысылып қалған. 20 минутта ауруханаға жеткізіліп, медициналық көмек көрсетілген 1973 жылы туған ер адам аман қалмады.

«ҚР Еңбек кодексінің 188-бабы 4-тармағы талаптарына сәйкес, 28 мамыр күні жазатайым оқиға бойынша тергеу жүргізу үшін комиссия құру туралы бұйрық шығарылды. Еңбек инспекторы оқиға орнына барып, фото-видео фиксация жасады. Басқарма арнайы тергеу жүргізу үшін қажетті материалдарды алды», деп мәлімдеді БҚО еңбек инспекциясы басқармасы.

Қазір оқиғаға байланысты тергеу жүргізіліп, қылмыстық іс қозғалды.