«Ата-анасы қараусыз қалдырған». 3 жасар бала суға батып кетті
2 маусым күні Шығыс Қазақстан облысындағы Ұлан өзеніне 3 жасар бала батып кетті. Бұл туралы жергілікті Төтенше жағдайлар департаменті хабарлады, деп жазады Egemen.kz.Ведомоствоның алдын ала мәліметінше, 3 жасар баланың қайғылы оқиғаға тап болуына ата-анасының назарынан тыс қалуы себеп болуы мүмкін. «Жанұзақ ауылындағы Ұлан өзенінде 3 жасар бала суға батып кетті. Алдын ала болжам бойынша бала ата-анасының қарауынсыз қалған. Су айдындарында балалардың ойнауына жол бермеу керек. Төтенше жағдай кезінде бірден 112 нөміріне хабарласыңыздар», делінген облыстық ТЖД хабарламасында.
Фото: malim.kz
