Мемлекет басшысының бастамасымен елімізде «Таза Қазақстан» республикалық экологиялық акциясы бастау алған болатын. Бұл акция Сыр өңірінде «Таза Қазақстан – Таза аймақ» атауымен жалғасын тапты.

Акцияның әр аптасы арнайы тақырыпқа сай негізделген. Экологиялық акцияның екінші аптасы «Киелі мекен» тақырыбына арналды.

Бүгін осыған орай ауданымыздың мәдениет саласының қызметкерлері Иманжүсіп Құтпанұлы ескеркішінің аумағына тазалық жұмыстарын жасады. Акцияны ашып беру үшін аудан әкімінің орынбасары Алмат Алдабергенов келіп, барша үн қосып жатқан ағайынға алғысын жеткізді.

Тазалық жұмыстары барысында мәдени ескерткіштің аумағын ретке келтіру, ақтау-сырлау, абаттандыру, күл-қоқыстан тазалау жұмыстары қарқынды жүргізілді.