«Кибер Тұмар» ақпараттық қауіптен қорғайды
Елімізде «Кибер Тұмар» атты ақпараттық білім жобасы басталды. Аталған іс-шара балалар мен жасөспірімдерді цифрлық ортада қорғауға бағытталған.
Білім беру науқаны Оқу-ағарту министрлігіне қарасты Балалардың құқықтарын қорғау комитетінің, ЮНИСЕФ Қазақстан және Еуропалық одақтың қолдауымен құрылған Peremena.media ақпараттық кеңістігі арқылы жүргізіледі. Киберқауіпсіздікке қатысты білім беру жұмысы 6 ақпан – Халықаралық қауіпсіз интернет күні басталды. Қазіргі заманда цифрлық технологияларды, әсіресе ең жас пайдаланушылар – балалар мен жасөспірімдердің жауапкершілікпен, қауіпсіз және нәтижелі пайдалануына назар аударту бүгінде жаһандық міндетке айналды. Осы ретте ұйымдастырушылар «Кибер Тұмар» атты жас буынға интернетті қауіпсіз қолдануға үйрететін, дұрыс бағыт-бағдар беретін ақпараттық құралдар жиынын ұсынып отыр. Оған осы мәселеге назар аудартуға арналған әлеуметтік плакаттар, түрлі қауіп-қатер кезіндегі базалық алгоритмдерді қамтыған ақпараттық плакаттар, сарапшылардың практикалық кеңестері берілген материалдар, білім беру роликтері және т.б. кіреді.
Балалардың құқықтарын қорғау комитетінің төрайымы Насымжан Оспанова: «Интернет – қазіргі кезде тек ақпарат құралы ғана емес, сонымен бірге коммуникация құралы. Сол себепті адамды мұндай ақпарат және коммуникация құралдарының әлеуетті мүмкіндіктерін барынша саналы, пайдалы, зияны тимейтіндей етіп, қалай қолдану керегін жас кезінен үйрету керек. «Кибер Тұмар» ақпараттық білім беру науқанын өткізу балалардың ақпараттық қауіпсіздігін қамтамасыз етуге әсер ететін, ата-ананың, баланың онлайн ортада ақпаратты таңдауға деген «иммунитетін» қалыптастыруда жауапкершілігін күшейтуге көмектесетін маңызды және заманауи қадам болып тұр», деді.
Ал Еуропа одағының Қазақстандағы елшісі Кестутис Янкаускас: «Интернет күнделікті өміріміздің ажырамас бөлігіндей болып кетті, соның ішінде балаларымыз үшін одан да маңызды элементке айналды. Ата-ана ретінде біз балаларымыздың барлық жерде – мектепте, көшеде және интернет әлемінде қауіпсіздігін қамтамасыз етіп отыруға тырысамыз. Біз аталған науқан ата-аналардың да, балалардың да хабардар болуына көмектеседі деп сенеміз. Бірлескен әрекеттерімізбен балаға қауіпсіз әрі қолайлы онлайн-кеңістік құра аламыз», деп пікірін білдірді.
Біріккен ұлттар ұйымы Балалар қорының (ЮНИСЕФ) Қазақстандағы Өкілінің міндетін атқарушы Летисия Баззи-Вейлдің ойынша, «Кибер Тұмар» қазақстандық балаларды желідегі қауіп-қатерлерден қорғау рәмізіне айналады. «Әр бала өзінің нақты қадамдарымен бірге алғашқы виртуалды қадамын жасайды. Және оған цифрлық кеңістікте қауіпсіз өсуге көмектесетін қорғанысты неғұрлым ерте берудің маңызы зор. «Кибер Тұмар» балаларды интернеттегі жағымсыз байланыстан, контенттен және іс-әрекеттен жақсырақ қорғауға ықпал етеді. Балаларымыздың өз Кибер Тұмары болса, онлайн тілдесу, дамыту ойындары, оқу олардың мүмкіндіктерін кеңейте алады», дейді ол.
Білім беру науқаны Оқу-ағарту министрлігіне қарасты Балалардың құқықтарын қорғау комитетінің, ЮНИСЕФ Қазақстан және Еуропалық одақтың қолдауымен құрылған Peremena.media ақпараттық кеңістігі арқылы жүргізіледі. Киберқауіпсіздікке қатысты білім беру жұмысы 6 ақпан – Халықаралық қауіпсіз интернет күні басталды. Қазіргі заманда цифрлық технологияларды, әсіресе ең жас пайдаланушылар – балалар мен жасөспірімдердің жауапкершілікпен, қауіпсіз және нәтижелі пайдалануына назар аударту бүгінде жаһандық міндетке айналды. Осы ретте ұйымдастырушылар «Кибер Тұмар» атты жас буынға интернетті қауіпсіз қолдануға үйрететін, дұрыс бағыт-бағдар беретін ақпараттық құралдар жиынын ұсынып отыр. Оған осы мәселеге назар аудартуға арналған әлеуметтік плакаттар, түрлі қауіп-қатер кезіндегі базалық алгоритмдерді қамтыған ақпараттық плакаттар, сарапшылардың практикалық кеңестері берілген материалдар, білім беру роликтері және т.б. кіреді.
Балалардың құқықтарын қорғау комитетінің төрайымы Насымжан Оспанова: «Интернет – қазіргі кезде тек ақпарат құралы ғана емес, сонымен бірге коммуникация құралы. Сол себепті адамды мұндай ақпарат және коммуникация құралдарының әлеуетті мүмкіндіктерін барынша саналы, пайдалы, зияны тимейтіндей етіп, қалай қолдану керегін жас кезінен үйрету керек. «Кибер Тұмар» ақпараттық білім беру науқанын өткізу балалардың ақпараттық қауіпсіздігін қамтамасыз етуге әсер ететін, ата-ананың, баланың онлайн ортада ақпаратты таңдауға деген «иммунитетін» қалыптастыруда жауапкершілігін күшейтуге көмектесетін маңызды және заманауи қадам болып тұр», деді.
Ал Еуропа одағының Қазақстандағы елшісі Кестутис Янкаускас: «Интернет күнделікті өміріміздің ажырамас бөлігіндей болып кетті, соның ішінде балаларымыз үшін одан да маңызды элементке айналды. Ата-ана ретінде біз балаларымыздың барлық жерде – мектепте, көшеде және интернет әлемінде қауіпсіздігін қамтамасыз етіп отыруға тырысамыз. Біз аталған науқан ата-аналардың да, балалардың да хабардар болуына көмектеседі деп сенеміз. Бірлескен әрекеттерімізбен балаға қауіпсіз әрі қолайлы онлайн-кеңістік құра аламыз», деп пікірін білдірді.
Біріккен ұлттар ұйымы Балалар қорының (ЮНИСЕФ) Қазақстандағы Өкілінің міндетін атқарушы Летисия Баззи-Вейлдің ойынша, «Кибер Тұмар» қазақстандық балаларды желідегі қауіп-қатерлерден қорғау рәмізіне айналады. «Әр бала өзінің нақты қадамдарымен бірге алғашқы виртуалды қадамын жасайды. Және оған цифрлық кеңістікте қауіпсіз өсуге көмектесетін қорғанысты неғұрлым ерте берудің маңызы зор. «Кибер Тұмар» балаларды интернеттегі жағымсыз байланыстан, контенттен және іс-әрекеттен жақсырақ қорғауға ықпал етеді. Балаларымыздың өз Кибер Тұмары болса, онлайн тілдесу, дамыту ойындары, оқу олардың мүмкіндіктерін кеңейте алады», дейді ол.
