Елімізде студенттердің 18 пайызы ғана жатақханада тұрып жатыр

Ғылым және жоғары білім министрлігі Kazinform сауалына жолдаған жауабында студенттердің баспанамен қамтылу жағдайы туралы мәлімет берді.



Фото: Kazinform

«Бүгінде елдегі жоғары және жоғары оқу орнынан кейінгі білім берумен айналысатын 104 ұйымның базасында 411 жатақхана бар. Олардың сыйымдылығы — 108 091 төсек орын. Оның ішінде 79-ы — хостел. Олар 5 031 орынға арналған. Осылайша 108 мың студент оқу орындарының меншікті жатақханасында, жалға алынған жатақханалар мен хостелдерде, қонақүйлерде тұрып жатыр» делінген жауапта.

Ал ұлттық статбюро мәліметіне сүйенсек, 2023-2024 жылғы оқу жылында жоғары оқу орындарындағы студенттердің саны 592,7 мың адам болған. Оның 53% — бұрымдылар.