Шиелі ауданы бойынша білім бөлімінің ұйымдастыруымен № 244 Ы.Жақаев атындағы орта мектебінде «Жаңа күн – жаңа Қазақстан» тақырыбында облыстық дебат турнирінің аудандық кезеңі ұйымдастырылды.  Дебат турнирі жалпы білім беру ұйымдарындағы 9-11 сынып оқушылары арасында өткізілді. Пікір сайыстың мақсаты – белгілі бір фактілерді зерттеу, жүйелеп сөлеуге, өз ойын ашық және жүйелі етіп дәлелдеуге, өз бағытын дұрыс ұстануға жетелеу. Жарыс барысында командалар қоғамдағы өзекті тақырыптар аясында талқылау жүргізіп, пікір алмасты. 

Байрақты бәсекеге аудан бойынша 10 фракция қатысып, № 149 Ә.Монтаев атындағы орта мектебінің “Love is” фракциясы бас жүлдені иеленіп, облысқа жолдама алды. Сонымен қатар, I дәрежелі дипломмен № 45 мектеп-гимназиясы және № 244 орта мектебінің “Жалынды жастар” фракциясы, II дәрежелі дипломмен № 46 мектеп-лицейі және № 48 мектеп-лицейінің “Твикс-микс” фракциясы, II дәрежелі дипломмен № 50 орта мектебінің “Самғау” фракциясы, III дәрежелі дипломмен № 251 орта мектебінің “Ұшқын” фракциясы мен № 244 орта мектебінің “Шам мен шырақ” фракциясы марапатталды. Жеңімпаз фракцияға облыстық кезеңде сәттілік тілейміз!

Дереккөз: Шиелі аудандық білім бөлімі