Президент жемқорлардан тәркіленген қаржыға салынған мектепті аралап көрді
![](https://halyq-uni.kz/cache/imagine/1200/uploads/news/2023/12/15/657c2bccb589e228171316.jpg)
Фото: t.me/aqorda_resmi
Мемлекет басшысы Астана қаласындағы №96 мектеп-гимназияны аралап көрді, деп хабарлады Halyq Uni тілшісі.
Президентке білім ошағындағы оқу-тәрбие жұмыстарының барысы таныстырылды.
Бұл мектеп жемқорлардан тәркіленген қаржыға салынған. Биыл пайдалануға берілген гимназия елорданың сол жағалауындағы басқа мектептердің жүктемесін азайтуға септігін тигізді. Қазір мұнда 1 466 оқушы білім алады.
![](https://halyq-uni.kz/uploads/photo_5467606493407859625_y.jpg)
Қасым-Жомарт Тоқаевқа қоғамдық-гуманитарлық бағытта білім беретін мектеп-гимназияның оқу үдерісі туралы баяндалды. Оқушыларға ағылшын, француз тілдерімен қатар, қытай тілі де оқытылады.
![](https://halyq-uni.kz/uploads/photo_5467606493407859630_y.jpg)
Мектеп директоры Сәуле Теменованың айтуынша, мұнда инклюзивті білім беруге баса назар аударылған. Бұл ретте әр оқушыға жеке оқу бағдарламасы әзірленген. Сондай-ақ инклюзивті қолдау, емдік дене шынықтыру және бейіналды даярлау кабинеттері бар.
Бүгінде мектеп-гимназияда арнаулы білім беруді қажет ететін 28 бала оқиды.
Сонымен қатар мектепте цирк, қыш өнері, балет үйірмелері жұмыс істейді.