Еліміздің бірнеше өңірінде ауа райына байланысты ескерту жарияланды
![](https://halyq-uni.kz/cache/imagine/1200/uploads/news/2023/12/14/657a20eae36ab308348987.jpg)
фото: tengrinews.kz
Синоптиктер еліміз бойынша 2023 жылғы 14 желтоқсанға арналған күн райы болжамын ұсынды.
«Қазгидромет» РМК ұсынған мәлімет бойынша, республиканың басым бөлігіне суық солтүстік-батыс антициклоны ықпал етеді, негізінен жауын-шашынсыз, аяз болады.
Атмосфералық фронтальды бөліктердің өтуімен республиканың батысында қар жауады, оңтүстікте, оңтүстік-шығыста бұрқасын соғады. Атыраудың оңтүстігінде, шығысында, Маңғыстау облыстарының шығысында шаңды дауыл тұрады, оңтүстікте, Жамбыл облысының таулы аймақтарында тұман түседі, – дейді синоптиктер.
Қазақстан бойынша жел күшейеді деп болжанды.
Түнде солтүстікте, Алматы және Жамбыл облыстарының таулы аймақтарында -33-38°С аяз болады, орталықта, Жетісу облысының таулы аймақтарында аяз -31-36°С шамасында болады.
Түркістан және солтүстік-шығыс Жамбыл облыстарының таулы асуларында синоптиктердің болжауынша, желдің екпіні 30 м/с және одан да жоғары болады.