Кеше ауданда 9-11 сынып оқушылар аралығында оқитын жалпы білім беретін пәндер бойынша республикалық олимпиада басталды. Білімділер бәйгесінде 1181 оқушы бақ сынауда. Оның 112-сі ағылшын пәніне қатысуда. Аталған олимпиада елімізде 1996 жылдан бері өткізіліп келеді. Мақсат – оқушылардың пәнге қызығушылығын арттыру.
Бірінші кезеңнің ашылу салтанаты өткізіліп, оған аудан әкімінің орынбасалары Е.Апетов, А.Алдабергенов, аудандық әйелдер кеңісінің төрайымы Н.Палымбет, ардагер-ұстаз С.Ермағанбетов және білім бөлімінің қызметкерлері арнайы қатысты. Олар республикалық олимпиаданың бірінші кезеңіндегі білім додасында біліммен бәсекеге түсетін шәкірттерге сәттілік тіледі.

Ауыл олимпиадасы аудандық, облыстық және республикалық кезеңдерден тұрады. Қорытынды кезеңнің қатысушылары республикалық сырттай оқу мектебіне қосымша білім алу үшін қабылданады. І дәрежелі диплом алған жеңімпаздар оқу-жаттығу жиындарына шақыртылып, жалпы білім беретін пәндер бойынша ұлттық олимпиадаға жолдама алады.