Шиелі ауданының әкімі Нұржан Ахатовтың аудан тұрғындарымен кездесу жиыны Сұлутөбе ауыл округінде жалғасын тапты. Кездесу барысында аудан басшысы атқарылып жатқан жұмыстары туралы баяндап, алда тұрған міндеттерді атап өтті.

Жалпы Сұлутөбе ауыл округінде іске асып жатқан жұмыстар аз емес. Р-1 каналын тиісті басқарма балансына өткізу бойынша және балалар ойын алаңның ашу, ішкі көшелерді асфальттау, жарықтандыру, аяқжолдар салу, көгалдандыру жұмыстары алдағы уақытта кезең-кезеңімен жүргізілетіндігін жеткізді.

Бұл ретте тұрғындар тарапынан көтерілген мәселелер назардан тыс қалмады. Аудан әкімі заң аясында тиісті жұмыстар атқаратынын айтып, жауапты сала басшыларына нақты тапсырмалар жүктеді.