Фото: oxu.az

Әзербайжан Республикасының Қарабақ экономикалық өңірінің орталығы – Ханкенді қаласындағы жанармай бекетінде жарылыс болып, 125 адам қаза тапты. Олардың денесі Арменияның Ереван қаласына жеткізілді. Жарылыстан жарланғандар саны 200 адамнан асты.

Жанармай бекеті Аскеран трассасында орналасқан. Осы бензин цистерналары жарылған. Қарабақтағы армяндардың адам құқығы жөніндегі уәкілі Гегам Степанян жарылыстан күйіп, жарақат алғандардың көбісінің жағдайы өте қиын екенін айтты. Оның айтуынша, жарылыс Әзербайжанның арнайы операциясынан кейін армян халқының Қарабақтан Арменияға кетіп бара жатқанда болған.

Қазір соңғы мәліметке қарағанда, армяндар бұрын өздері тұрған елдеріне қайтып көшіп жатыр. Олар Арменияға, Ресейге, Сирия, Ливан мен басқа да Таяу Шығыс елдеріне жолға шықты. Ал Қарабақтан Ереванға барған армяндардың саны 19 мыңнан асты. Армения БАҚ хабарлауынша, Қарабақта шамамен 20-25 мың армян қалуды жоспарлап отыр. Егер Әзербайжан өңірінде армяндардың саны 20-25 мың болса, Ресей бітімгерлері сол аймақтан кетпейді. Ал Арменияның өзінде Таулы Қарабақтан жаппай көшіп келіп жатқандарға қарсылық басталып кетті.  Ереван мен басқа да қалаларда наразылық күшейіп жатыр.

Көшеге шыққан жүздеген адам ұсталған. 25 қыркүйекте ел астанасында 200 адам қаммауға алынды. Соған қарамиастан халық әлі де протестке шығып жатыр. Олар премьер-министр Никол Пашинян басқаратын Үкіметтің саясатына, Үкімет басшысының өзіне наразы.