Мемлекет басшысы Қасым-Жомарт Тоқаевтың реформалары халық игілігіне бағытталған. Саяси саладағы өзгерістер, Үкіметке жүктелген тапсырмалар – бәрі де халық үніне құлақ асатын, елге қызмет көрсетуші мемлекет орнықтыру міндетінен туындап отырғаны анық. Халықтың мемлекетке деген сенімін арттыру мақсатында біршама жұмыстар жасалып жатыр. Жалпы елдегі саяси болсын, экономикалық болсын реформалардың барлығы мемлекеттің дамуына, азаматтардың конституциялық құқықтарын күшейтуге, адами капиталды арттыруға, қоғамдағы азаматтық белсенділіктің қалыптасуына, халықтың әлеуметтік-экономикалық жағдайын жақсартуға, түптеп келгенде қазақстандықтардың жайлы өмір сүруі үшін бағытталуда.Қазақстан суперпрезиденттік басқару формасынан күшті парламенті бар президенттік формаға көшті. Мемлекет басшысы өз Жолдауларында Қазақстанды дамытудың саяси моделін өзгертіп, Парламенттің рөлін күшейту қажеттігін айтқан еді. Осылайша, еліміз «Күшті Президент – ықпалды Парламент – есеп беретін Үкімет» қағидатын басшылыққа алды. Жұртшылықтың жайлы, жарқын өмір сүруі үшін барлық салада ашықтық қалыптасып келеді.«Бала – біздің болашағымыз» деп жатамыз. Енді  келер жылдың қаңтарынан бастап, Ұлттық қордың жыл сайынғы инвестициялық табысының 50%-ын балалардың арнаулы жинақтаушы есепшотына түсе бастайды. Бұл халықтың көптен күткен жаңалығы болатын.
Тағы бір үлкен реформа – әлеуметтік салада көрініс беруде. Ол – жақын арада күшіне енетін Әлеуметтік кодекс болмақ. Әрбір отбасын – шағын мемлекетке теңесек, оның өз алдына дербес деректері жасақталуда. Бұл тұрғындардың тұрмыс-тіршілігін алдын-ала болжап, олардың әлеуметтік жағдайына жасалатын сараптама, барлық мәлімет қамтылған база. Сондықтан кімге қандай көмек керек, қолдауды қажет ететін отбасылар болса, оларды есепке алу, болашақ зейнеткерлердің қамсыз өмірі үшін бірқатар жобалар атқарылуда.Біз үкіметтік емес ұйымдар қашанда Мемлекет басшысының реформаларын қолдаймыз. Оны жүзеге асыруға үлесімізді қосуға дайынбыз.