Қашан тазарамыз?
Аудан көлемінде тазалық айлығы басталып, жалпыхалықтық сенбілік жүріп жатқалы да айдан асып барады. Аудан халқы, мекеме қызметкерлері бір кісідей атсалысқан сенбілікте ардагерлер де бас көрсетіп, үлгі болуда. Алайда, аула тазалығына, көше келбетіне немқұрайлы қарайтындар әлі де азаймауда. Тазалық мәдениеті қалыптаспаған ба дерсің. Көңілге ауыр тиеді, әрине. Дегенмен, төмендегі көрініске қарап, басқа пікір айта да алмайсыз. Мемлекеттік мекемелер, дербес бөлімдер, мектеп, балабақша қызметкерлеріне дейін сенбілікке атсалысуда. Дегенмен, жалпы тұрғындар санасында тазалыққа деген сілкініс кемшін түсуде. Айнала, қоршаған орта өзіміздікі. Сондықтан, жалпыаудандық сенбілікке бір кісідей жұмыла қосылып, айналамызды таза ұстайық. Мұсылманшылықтың басты қағидасы да тазалықтан басталатындығын ұмытпайық.
