Шиелі мен Түркістан арасындағы жол уақытша жабық
Қызылорда облысына қарасты тас жол ауа райының қолайсыздығына байланысты уақытша жабылды.
Шиелі ауданының Бәйгеқұм ауылы мен Түркістанға дейінгі аралығында көлік қозғалысына уақытша шектеу қойылды. Қазіргі таңда «Қазавтожол» мекемесінің арнайы 30-дан астам көліктері трассаны қар мен мұздан тазалауға кірісті. Қызылорда облысының полиция департаменті жүргізушілерге жол ережесіне сай рұқсат етілген жылдамдықты асырмай, қауіпсіз арақашықтықты қатаң сақтау қажеттігін ескертеді.
