Керделі ауылының тұрғыны кәмелеттік жасқа биыл қадам басқан Халық Иманғали Мұратұлы бірінші рет Қазақстан Республикасы Парламенті Мәжілісі және мәслихаттары депутаттарының кезекті сайлауында №298 сайлау учаскесінде алғашқы болып дауыс берді.
Сайлау учаскесіне таң атысымен келген Иманғали өзінің ең алғашқы сайлауына қатысып, әрі ауылындағы ең бірінші дауыс берген азамат болып отырғанына қуанышты. Себебі ол сайлауды әрбір Қазақстандық азаматтың өміріндегі маңызды оқиға деп санайды. Иманғалидің сөзінше ол бұл сайлауды асыға күткен және де өзі ғана емес айналасындағы құрдастарын да сайлауға дауыс беруге шақырып, үгіт-насихат жүргізген.