Бүгін «Nur Otan» партиясы Шиелі аудандық филиалы ғимаратында ауданның белсенді жастары, жас кәсіпкерлер, аудандық маслихат депутаттығына кандидаттардың қатысуымен Қазақстан Республикасы Парламенті Сенатының депутаты, Әлеуметтік-мәдени даму және ғылым комитетінің төрағасы Мұрат Бақтиярұлымен онлайн ZOOM арқылы кездесу жиыны өтті.

Кездесуде Мұрат Бақтиярұлы мемлекет тарапынан болып жатқан әлеуметтік қолдау шаралары және білім, медецина саласындағы жалпы жастарға жасалатын жағдайлар жайында ақпаратымен бөлісті.

Сондай-ақ партияның жеткен жетістігі мен алдағы жетістікке жетелейтін жобалары жайында толық айтып өтті. Пандемияға орай карантин уақытында кәсіпкерлерге қиындық туғанын жеткізіп, десе де мемлекеттен кәсіпкерлік саласына қолдау болғанын жеткізді.

Жиын соңында ұсыныс-пікірлер болып, жауаптар алынды, сонымен қатар сайлауға түсіп жатқан кандидаттарға сәттілік тіледі.