Қазақстанда 2020 жылғы 01-03 желтоқсанға арналған ауа райы болжамы жарияланды. Қыстың алғашқы күндері елімізде аязды ауа райы күтіледі. Синоптиктердің болжауынша, Қазақстанға Моңғол антициклоны әсер ететін болады. "Республиканың басым бөлігіне аязды, көбінесе жауын-шашынсыз ауа райын сақтайтын Моңғол антициклоны өз ықпалын тигізуді жалғастырады. Тек оңтүстік және оңтүстік-шығыста, оңтүстік циклонның шұңқырының әсерінен қар жауады. Еліміздің кей жерлерінде көктайғақ, тұман күтіледі, жел күшейеді", - дейді синоптиктер.