Ел егемендігінің басты белгісі – мемлекеттік рәміздер. Бұл елдің өз билігін қолына алуы, өзінің ұлттық валютасын шығаруы сынды аса маңызды егемендік сипатпен бітеқайнасып жатыр. Әлемде мемлекет атауын алған қанша мемлекет болса, сонша рәміз бар. Демек біз де дүниежүзіндегі өзге елдермен тереземіз тең. Біздің бірден бір мақтанатын нышандарымыз – мемлекеттік рәміздер. Елтаңба, әнұран, ту. Бұл үшеуін бір-бірінен бөліп-жарып қарауға болмайды. Әрқайсысының орны бір бөлек. Сол себепті әрқайсысына құрмет ерекше болу қажет. Тек көпті көрген, көп жасаған қариялар ғана емес, жастар да, бұғанасы қатпаған бүлдіршін де тудың қадір-қасиетін сезініп өскен жөн. Біз туымызды қастерлеп, сүю арқылы өзіміздің Отанымызды, салт-дәстүрімізді, әдет-ғұрпымызды, тарихымызды да құрметтейміз.
Бақытжан ЫБРАШЕВ,
№252 И.Ковтунов атындағы мектеп-лицейінің мұғалімі