10-15 ақпан аралығында облыстық ішкі саясат басқармасының ұйымдастыруымен Қызылорда облысының барлық аудандарында облыстың, ауданның оң имиджін қалыптастыру мақсатында пресс-тур өтті. 15 ақпан күні пресс-тур Шиелі ауданында болды. Облыстың БАҚ өкілдері ең алдымен "Нұрлы Жер" бағдарламасы аясында соғылып жатқан 18 пәтерлі тұрғын үйдің құрылыс жұмыстарымен танысты. Одан соң жаңадан соғылған 150 орындық ауруханаға барып, ауруханадағы жаңа заманауи қондырғылармен, аурухана бөлімдерімен танысты. Бидайкөл ауылындағы жалпы құны 180 млн. Теңге тұратын "Бастау" сауықтыру кешені және 148 қазақ орта мектебінің алдынан соғылған балалар және ойын алаңында болған журналистер Шиелі ауданының соңғы 5 жылда әлеуметтік, экономикалық даму қарқыны жоғары екеніне көз жеткізді.