Бүгін аймақ басшысы Қуанышбек Ысқақов өңірге арнайы келіп, аудан әкімі Әшім Оразбекұлын құрметпен зейнет демалысына шығарып салды. Ауданның өсіп-өркендеуіне, халықтың әл-ауқатының артуына аянбай еңбек еткені үшін алғысын айтып, Қызылорда облысының «Құрмет грамотасын» табыстады. Дәстүр бойынша иығына шапан жауып, қошемет көрсетті.

Сондай-ақ, облыс әкімі бұған дейін аудан әкімінің орынбасары қызметінде болған Тұрмағанбет Жағыпбаровтың енді аудан әкімінің міндетін уақытша атқаратынын мәлімдеді.