Жолда адамдарды құтқарып жүрген полицейлердің үстіне мұз қатып қалды (фото)
28 қаңтар күні Қарағанды жолдарында қарлы боран мен жолдың нашар көрінуі салдарынан 26 жол апаты тіркелді. Қазақстанның өңірлерінде құтқару жұмыстары жалғасып жатыр. Теміртау-Қарағанды жолында полицейлер 40-қа тарта адамды бораннан құтқарды, деп жазды Polisia.kz. Теміртау жақтан 12 көлік жолда тұрып қалды. Қарағанды облысы полиция департаментінің қызметкерлері Дамир Құдайберген мен Рысқали Жазықбаев барлық адамды шағын автобуспен 8-10 адамнан эвакуациялап, оларды кері қайтарды. Көліктер әзірге тасжолда қалды. Полицейлердің фотосынан көріп отырғаныңыздай, жолдың көрінуі нашарлап, ауа температурасы төмендеген. Теміртау-Қарағанды жолында 40-қа тарта адам құтқарылды
Қарағанды жолдарында қарлы боран мен жолдың нашар көрінуі салдарынан 28 қаңтар күні таңғы сағат 09:
00-ден 16:00-ге дейін 26 жол апаты тіркелді. Қаза болғандар мен зардап шеккендер жоқ.
