Өскен өңір Шиелi аудандық қоғамдық-саяси газет
» » Тоқаев Үкіметтің отырысын ашты

Тоқаев Үкіметтің отырысын ашты

BAQ.KZ. Үкіметтің кеңейтілген отырысын ел президенті Қасым-Жомарт Тоқаев ашты.

Мемлекет басшысы өткен жылы елімізде экономиканың негізгі салаларында өсім байқалғанын атап өтті.

Өткен жылдың әлеуметтік-экономикалық даму нәтижесін талқылаймыз. Экономикалық өсім 4,5% болды. Экономиканың негізгі салаларында өсім қарқыны байқалды. Бұл көрсеткіштердің барлығы халықтың тұрмыс сапасына оң ықпал етеді. Сайлау алдындағы тұғырнамада айтылған негізгі міндеттерді орындауымыз керек. Бұл еліміздің орнықты дамуына, халқымыздың әл-ауқатын арттыруға зор серпін береді. Қазір осы бағытта атқарылған жұмыстарға тоқталып, алдағы жоспарды талқылаймыз. Басты мақсат – қолда бар мүмкіндіктерді, әлеуетімізді толық пайдалану, - деген Қасым-Жомарт Тоқаев бүгінгі Үкімет отырысында есеп беретін Үкімет мүшелерін тізбектеді.

Мемлекет басшысы алдымен отырыстың жұмыс тәртібін келісіп алуды ұсынды.

Бүгінгі отырыстың жұмыс тәртібін келісіп алайық. Еліміздің 2019 жылғы әлеуметтік-экономикалық қорытындылары және осы жылға қойылған жоспарлар жөнінде ҚР премьер-министрі Асқар Ұзақбайұлы Мамин баяндайды. Ақша, кредит саясатына қатысты шаралар жөнінде Ұлттық банк төрағасы Ерболат Асқарбекұлы Досаев ақпарат береді. Әлеуметтік даму және еңбекпен қамту мәселелері жөнінде премьер-министр орынбасары Бердібек Машбекұлы Сапарбаев баяндайды. Өңірлердің әлеуметтік-экономикалық даму қорытындылары бойынша Нұр-Сұлтан қаласының, Шығыс Қазақстан, Алматы, Ақтөбе облыстарының әкімдері баяндайды. Қысқы әрі нұсқа негізгі мәселелерге тоқтаңыздар, - деп ел президенті есеп беруге премьер-министр Асқар Маминге сөз берді.

Бұған дейін бүгін мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы өтетінін хабарлаған болатынбыз.
24 қаңтар 2020 ж. 322 0

PDF нұсқалар мұрағаты

№64 (9021)

12 тамыз 2022 ж.

№63 (9020)

09 тамыз 2022 ж.

№62 (9019)

06 тамыз 2022 ж.

Жаңалықтар мұрағаты

«    Тамыз 2022    »
ДсСсСрБсЖмСбЖс
1234567
891011121314
15161718192021
22232425262728
293031 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам