Қазақстан ТМД елдері бойынша 2-орында тұр

Жаһандық бәсекеге қабілеттілік рейтінгі бойынша Қазақстан 141 елдің арасында 55-орынға жайғасты. Биылғы рейтингте Сингапур бірінші орынды иеленді. Рейтингтің көшбасшыларының қатарына АҚШ, Гонконг, Нидерланды және Швейцария кірді. 2019 жылғы рейтингтің нәтижелері бойынша Қазақстан 62,9 балмен 55-шы орынды иеленді, яғни өткен жылға қарағанда төрт сатыға көтерілді. Былтыр 59 орынға жайғасқан болатын. ТМД елдерінің арасында Қазақстан Ресейден (43-ші орын) кейін 2-ші орынды иеленді (55-ші орын). «Стратегиялық бастамалар орталығы» компаниясы Дүниежүзілік экономикалық форумның Қазақстандағы Ұлттық серіктесі ретінде 2019 жылғы жаһандық бәсекеге қабілеттілік бойынша рейтинг жариялады.