Өскен өңір Шиелi аудандық қоғамдық-саяси газет
» » ҚЫЗЫЛОРДА ОБЛЫСЫ: ЖАҢА КЕН ОРЫНДАРЫН БАРЛАУ ҚАЖЕТ

ҚЫЗЫЛОРДА ОБЛЫСЫ: ЖАҢА КЕН ОРЫНДАРЫН БАРЛАУ ҚАЖЕТ



Бүгін Үкімет отырысында Қызылорда облысының әкімі Қырымбек Көшербаев облыстың 2022 жылға дейінгі Кешенді даму жоспарын таныстырды. Аталмыш жоспар 12 бағыт, 119 іс-шарадан тұрады.
Кешенді жоспарда өнеркәсіпті дамыту мәселелері де бар.
Бүгінде өңірде өндірілетін мұнайдың 80 пайызына дейін елдің ішкі нарығында нарықтық бағадан төмен бағамен сатылады. Осыған байланысты Қ.Көшербаев жер қойнауын пайдаланушыларға мұнай өндірісін неғұрлым тиімді шарттарда жүзеге асыруды ұсынды.
"Бұл өндірілген өнімді сату кезінде операторлар тапқан табыстарының бір бөлігін жаңа кен орындарын барлау мен бұрғылауға, сондай - ақ жаңа технологияларды енгізуге бағыттауға мүмкіндік береді", - деді Қ.Көшербаев.
Бұдан басқа, "Оңтүстік-Торғай", "Сырдария" және "Шу-Сарысу" ойпаттарында жаңа кен орындарына барлау жүргізу ұсынылды.
Аймақ басшысы бүгінгі таңда Қызылорда облысында қолданыстағы мұнай кен орындарының сарқылуына байланысты мұнай бұрғылау 1,5-2 мың метр тереңдікте жүргізілетінін атап өтті. Осыған байланысты жоғарыда көрсетілген кен орындарында 5 мың метрден аса тереңдікте бұрғылауды жүзеге асыруды ұсынды.
"Ол үшін тиісті геологиялық зерттеулер жүргізу қажет", - деді облыс әкімі.
Еске салайық, ағымдағы жылдың ақпан айында Қазақстан Республикасы Қауіпсіздік Кеңесінің отырысында өңір тұрғындарының әлеуметтік-экономикалық жағдайын жақсарту және даму қарқынын арттыру мақсатында облыстың өзекті мәселелері қаралды. Қауіпсіздік Кеңесінің отырысында Кеңес Төрағасы-Елбасы Н.Ә.Назарбаев 2022 жылға дейін облысты дамытудың Кешенді жоспарын әзірлеуді тапсырған еді.
Өңірді дамытудың кешенді жоспары құны 219,7 млрд.теңге болатын 119 іс-шарадан тұрады. Кешенді жоспар 12 бағытты қамтиды.Олар - өнеркәсіп, агроөнеркәсіптік кешен, кәсіпкерлікті дамыту, көлік инфрақұрылымы, тұрғын үй коммуналдық шаруашылығы, экология және табиғатты пайдалану, халықты әлеуметтік қорғау, денсаулық сақтау, спорт, су тасқынына қарсы іс-шаралар, тұрғын үй құрылысы және инженерлік-коммуникациялық инфрақұрылымды дамыту.
28 мамыр 2019 ж. 160 0

PDF нұсқалар мұрағаты

№73 (8724)

20 қыркүйек 2019 ж.

№72 (8723)

17 қыркүйек 2019 ж.

№71 (8722)

14 қыркүйек 2019 ж.

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам