Мексикалық боксшы Сауль Альварес 16 қыркүйекте өткен қарымта кездесуде жеңіске жетіп, қазақстандық Геннадий Головкиннің WBC, WBA және IBO нұсқалары бойынша орта салмақ дәрежесіндегі әлем чемпионы атағын иеленген еді. Алайда ол белбеулерінің бірінен айырылып қалды.Бұл туралы Vesti.kz порталына сілтеме  жасап Stan.kz хабарлайды.
Сауль Альварес Халықаралық бокс ұйымының (IBO) белбеуіне ие бола алмады. Жекпе-жектен кейін анықталғандай, «Канело» Головкинмен реванш алдында IBO ұйымына санкциялық жарна төлеуге келісім бермеген. Өз кезегінде бұл аталған ұйымның чемпиондық белбеуі бос екенін аңғартады.
Геннадий Головкин 2011 жылдың желтоқсан айында америкалық боксшы Лахуан Саймонды нокаутқа жіберіп, IBO нұсқасы бойынша чемпион атанған еді. Мұнан кейін қазақстандық боксшы аталған белбеуді қорғау үшін 17 рет айқасқа түсіп, барлығында жеңіске жеткен.

Stan.kz