Ұлттар лигасында Қазақстан мен Андорра құрамалары кездесіп, ойын 1:1 есебімен тең дәрежеде аяқталды. Бұл туралы Sports.kz-ке сілтеме жасап Stan.kz ақпарат агенттігі хабарлайды.
Қазақстандық футболшылар екінші таймның басында қарсылас команданың қақпасына алғашқы гол соқты. Гол авторы Қазақстан құрамасының қорғаушысы Юрий Логвиненко болды.
Біраз уақыттан кейін андорралық жартылай қорғаушы Жорди Алаэс қазақстандықтардың қақпасына гол соғып, есеп теңестірді.
Тартысты ойында отандық футболшылар барын салып ойын көрсеткенімен, шетелдік құраманы жеңе алмады.
Айта кетсек, 13 қазанда Қазақстан құрамасы латвиялықтармен кездесетін болады.
Stan.kz