Мейірім Нұрсұлтанов уақытша чемпион атағы үшін айқасады
Орта салмақтағы WBC нұсқасының рейтингінде бірінші орында тұрған қазақтың кәсіпқой боксшысы Мейірім Нұрсұлтанов биыл уақытша чемпион атағы үшін таласады, деп хабарлайды Egemen.kz.Күні кеше ол аталған ұйыммен келісімшартқа отырды. Бұл жаңалықты жанкүйерлер жылы қабылдады. Себебі кәсіпқой рингте Мейірімнің 20 кездесу өткізіп, бірде-бір рет жеңілмегенін жанкүйерлер жақсы біледі. Қандасымыз 11 бәсекеде айқын басымдық танытты.
Оның WBC рейтингінде бірінші орында нық тұрғанына бірер жылдың жүзі болды. Бірақ Нұрсұлтанов үшін чемпиондық тәж үшін таласу мүмкіндігі әлі туындаған жоқ.
