Таиланд астанасы Бангкокте бокстан Париж олимпиадасының соңғы жолдамалары сарапқа салынып жатыр. Осы сында 63,5 кг салмақ дәрежесінде бақ сынап жатқан Мұхаммедсабыр Базарбайұлы екінші кездесуін өткізді, деп жазады Egemen.kz.


Фото: Қазақстан бокс федерациясы

Халықаралық турнирдің екінші сатысында Мұхаммедсабыр Базарбайұлы түрік боксшысы Мизан Айкөлге қарсы шаршы алаңға шықты.
Аңдысып отырмай, бірден шабуылға көшкен тартысты бәсекеде Мұхаммедсабыр Базарбайұлы жеңіске жетті. (5:0)
Оның келесі қарсыласы - италиялық боксшы. Бұл жекпе-жек ертең, 29 мамырда өтеді.