Жақында Ұлытау облысының Жезқазған қаласында Қазақ Кеңестік Социалистік Республикасының Халық ағарту ісінің озық қызметкері, «Еңбек Қызыл Ту» орденінің иегері Қабден Шыңғысовты еске алуға арналған қазақ күресінен 2006-2007 жылы туған жасөспірімдер арасында Азия кубогының турнирі өтті.
Аталған жарыста №10 балалар мен жасөспірімдер спорт мектебінің оқушысы Мырзабек Мұстафаев 65 келі салмақта чемпион атанды. Осы мектеп оқушысы Бақдәулет Төлепов 46 келі салмақта, Қытайбек Фараби 50 келі салмақта қола жүлдегер атанып, облыс пен ауданның мерейін үстем етті.

Балуандардың бапкерлері Қайрат Жолмырзаев, Рахат Советов, Қуаныш Нұрғали спортшыларды әлі де баптап, үлкен додаларға дайындай беретінін айтты.