Ертең, 5 желтоқсанда, ең жеңіл салмақтағы қазақстандық файтер Жалғас Жұмағұлов (14-5) UFC-де төртінші жекпе-жегін өткізеді. Жұмағұловтың қарсыласы анголалық-португалиялық файтер Манел Кап (16-6). Олардың жекпе-жегі Лас-Вегастағы (Невада, АҚШ) UFC Apex аренасында өтетін UFC Vegas 44 турнирінің алдын-ала кардының соңғы бөлігінде өтеді.Турнирде барлығы 14 жекпе-жек өтеді, ал Жалғас пен Манел кездесуі жетінші кезекте тұр. Алдын ала кард Нұр-Сұлтан уақытымен сағат 06:00-де басталады, ал негізгісі - сағат 09:00-де. Жұмағұловтың жекпе-жегі шамамен сағат 08:20-да болады.
Турнир UFC Fight Pass платформасында, сондай-ақ UFC TV-де көрсетіледі.
Кештің басты жекпе-жегінде ең жеңіл салмақтағы Роб Фонт (19-4) және Жозе Алдо (30-7) кездеседі. Турнирдің маңыздылығы бойынша екінші кезеңінде Қазақстан тумасы Рафаэль Физиев (10-1) пен Брэд Ридделл (10-1) айқасады.