Шахматтан әлем чемпионатында Қазақстан екі қола медаль алды

Испанияда әйелдер арасындағы шахматтан әлем чемпионаты аяқталды, деп жазады Egemen.kz.
Алтын үшін шешуші матчта әлемнің екі үздік командасы - Ресей мен Үндістан бас қосты. Естеріңізге сала кетейік, Үндістан спортшылары ширек финалда қазақстандық төрттікті, ал жартылай финалда Грузияны ұтты. Алайда финалда үнді қыздары әлемнің қазіргі чемпионы - Ресей шахматшыларын жеңе алмады.
Орыс әйелдері шахмат ойынында теңдесі жоқ екенін тағы да дәлелдеп, 2,5: 1,5 және 3: 1 есебімен жеңді.
Чемпионатта қазақстандық шахматшылар екі жүлдеге ие болды, Динара Сәдуақасова мен Меруерт Камалиденова қола медаль, Жансая Әбдімәлік төртінші орынды иеленді.

https://egemen.kz