Головкин мен Канелоның үшінші жекпе-жегі қашан болатыны белгілі болды
БАҚ Головкин мен Канелоның үшінші жекпе-жегі болатын күнді жариялады. Қазақстандық Геннадий Головкин мен мексикалық Сауль Канело Альварес арасындағы үшінші жекпе-жек осы жылдың қыркүйек айында өтуі мүмкін, деп хабарлайды Stan.kz ақпарат агенттігі Vesti.kz-ке сілтеме беріп.
Бұл жекпе-жекке дейін Головкин Мексикалық спортшыны, бірінші орта салмақтағы экс-чемпион Хайме Мунгияны жеңуі керек. Бұл жекпе-жек мамыр айында өтеді деп күтілуде.
"Ресми келіссөздер әлі жүргізілмегенімен, барлық тараптардың, сондай-ақ екі боксшы мен олардың жекпе-жегін көрсететін DAZN стримингтік платформасы қызығушылық білдірген. Егер Головкин жеңіске жетсе, онда ол қыркүйек айында Канеломен үшінші жекпе-жекке шығады, ал егер Хайме жеңсе, алдағы уақытта Альвареске қарсы жекпе-жекке шығатын жаңа жұлдыз болмақ", - деп жазады ESPN Deportes дереккөзі.
Еске сала кетейік, Головкин мен Канело екі жекпе-жек өткізді: біріншісі 2017 жылдың қыркүйегінде болды. Тартысты жекпе-жек теңдей аяқталды, ал бір жылдан кейін реваншта мексикалық боксшы жеңіске жеткен болатын.
https://stan.kz/
